LEGAZPI CITY-Mabutas na sa saiyang puwesto si House Speaker Martin Romualdez asin planong isalida si House Deputy Speaker and Isabela 6th District Representative Faustino “Bojie” Dy III.
Basado ini sa kumpirmasyon ni Antipolo City 1st District Representative Ronaldo Puno.
Dagdag pa ni Puno na boluntaryong nagdesisyon si Romualdez makalihis an suboot mga kontrobersiya sa mga maanomalyang flood control projects.
Enot naman na sinabi ni Presidente Ferdinand Marcos Jr, na maski mga kaalyado an dai papalagpason kan independent investigation sa flood control asin infrastructure projects.
Magigirumduman na ipigbuyagyag ni Navotas Rep. Toby Tiangco na si Romuladez suboot asin dating House Appropriations chairman Zaldy Co an imbuelto sa bilyon-bilyong insertions kan mga pinondohan na infrastructure programs na substandard o non-existent.
