Nag-apelar an tulong lidrer kan Kamara sa Senado na aksyunan an proponido na mag-amiyendar sa economic provision kan Konstitusyon makalihis na magluwas sa survey na 57% kan mga Pilipino an pabor digdi.
Segun kinda Senior Deputy Speaker asin Pampanga 3rd District Rep. Aurelio Gonzales Jr., Deputy Speaker asin Quezon Rep. David Suarez asin Majority Leader Manuel Jose Dalipe na an resulta kan Tangere survey an senyales kan Senado na apruprabran an proponido.
Sinabi ni Gonzales na malinaw an resulta kan survey kan big data researh firm na Tangere kan Mayo 21 hasta 25 na kadakol na mga Pilipino an nagsusuporta sa economic Charter amendments.
Inaprubaran na kan Kamara ang Resolution of Both Houses (RBH) No. 7, an bersyon kaini kan proponidong economic Charter change kan Marso.
Nangapudan man si Suarez na liderado ni Escudero na ipagdagos an pagdiskutir sa Resolution of Both Houses (RBH) No. 6.
Basado sa resulta kan survey na naglangkaw nin duwang puntos an mga pabor sa economic Charter amendments kumparr sa mas naenot kaining survey.
