Nangapodan si Senior Deputy Speaker Aurelio “Dong” Gonzales Jr. nin sarong pambansang lakdang nganing protehiran an mga botante hale sa digital deception, kasunod kan report mapadapit sa paggamit kan mga pekeng social media accounts nganing deepensaran si dating Presidente Rodrigo Duterte asin manipulahon an mga isyu na pwedesir makaapektar sa resulta kan 2025 midterm elections.
Sinabi ni Gonzales na dapat protehiran an sambayanang Filipino hale sa mga accounts na nagpapalakop nin propaganda asin panlilinlang.
Segun sa mambabatas hale sa Pampanga, nagluwas sa report kan Reuters na haros one-third kan mga social media account na nagpo-post mapadapit sa kaso ni Duterte sa International Criminal Court (ICC) an peke.
Segun sa tech firm na Cyabra hale sa Israel, an mga parehong taktika an piggagamit ngonian sa sarong “deliberate, organized” na kampanya nganing pormahon an opinyon kan publiko mapadapit sa maabot na pirilian sa Mayo.
Nagpatanid si Gonzales na an padagos na paglakop kan digital manipulation an sarong seryosong huma sa integridad kan proseso kan pirilian sa nacion.
Pig-enganyar man ni Gonzales an Department of Education (DepEd), Commission on Higher Education (CHED), asin Department of Information and Communications Technology (DICT) na magkasararong paglansar kan national digital literacy program nganing matabangan an mga estudyante asin publiko na maaraman asin labanan an mga disinformation campaign.
Nangapodan man siya sa gabos na partido na tutulan an paggamit kan “click armies” asin bayarang influencers.
