Opisyal nang hinagad kan House justice panel ki Vice President Sara Duterte na simbagon an mga alegasyon nin impeachable offenses laban saiya.
Ini an makalihis na magsirbe nin notice an House committee on justice na nasusugo ki VP Duterte na simbagon an duwang verified impeachment complaints na pigdeklarang sufficient in form and substance.
Pigsugo kan komite an bise presidente na isumitir an saiyang simbag sa laog nin 10 calendar days sa oras na maresibe niya an abiso.
Pinirmahan an dokumento ni House committee on justice chairperson asin Batangas Second District Rep. Gerville “Jinky Bitrics” Luistro.
Inakusaran si VP Duterte sa impeachment complaints nin betrayal of public trust, culpable violation of the Constitution na may kinaaraman sa saiyang bako tamang paggamit kan P612.5 million na confidential funds, asin mga huma na gadanon si Presidente Ferdinand Marcos Jr. asin an saiyang pamilya.
