LEGAZPI CITY- Hinabon kan dae pa nabibistong suspek an ekipahe na pigagamit sa pag-live stream sa misa kan sarong simbahan sa ciudad kan Ligao sa Albay.
Segun ki Fr. Pau Barandon, Parish Priest kan St. Stephen the Proto-martyr Parish Ligao City sa intrevista kan Bombo Radyo Legazpi na nawara an CPU asin UPS kan saindang computer na piggamit sa live stream sa misa kan saindang parokya.
Dugang pa kan opisyal na nawara man pati an saro sa mga donation box sa simbahan.
Kasunod kan insidente, ipinaaaram na an impormasyon sa Sangguniang Panglungsod kan Ligao ngani na mapag-olayan an pwedesir na mailatag na solusyon ngani na maibitaran an kaparehong insidente.
Pinag-iisipan man kun ano an pwedesir na alternatibong lakdang ngani na tulos na makapag-live stream kan saindang misa urog na ngunyan na nagdadangadang na an Kapaskuhan.
