Ipig-octaba kan Pre-Trial Chamber I kan International Criminal Court (ICC) an nakatalaang hearing para sa confirmation of charges laban ki dating President Rodrigo Duterte, na orihinal na itinakda sa Setyembre 23, 2025.
An desisyon an huli kan kahagadan gikan sa kampo ni Duterte na ma-octaba an hearing huli sa saiyang pahayag na bako suboot siya “fit to stand trial” o dae na kayang mag-atendir sa paglilitis huli sa kamugtakan kan saiyang salud.
Susog sa ICC, limitadong postponement an ipinaotob nganing tawan nin paagi an pagresolbar sa nasabing kahagadan asin iba pang katakod na isyu.
Dissenting opinion man an iniluwas ni Judge María del Socorro Flores Liera, na kontra sa pagpapa-octaba kan hearing.
Magigiromdomang inarestar si Duterte kan Marso 11, 2025, katakod kan mga kasong crimes against humanity, kaiba an murder, torture, asin rape na suboot nangyari sa irarom kan saiyang liderato sa Davao City asin sa panahon kan saiyang administrasyon bilang Presidente kan Pilipinas.
An obheto kan confirmation of charges hearing an nganing mabisto kun may bastante na ebidensya nganing idagos an kaso sa trial phase.
En kaso nakumpirmar an mga alegasyon, ililipat an kaso sa Trial Chamber para sa pormal na paglilitis.
 has postponed the scheduled hearing for the confirmation of charges against former President Rodrigo Duterte, which was originally set for September 23, 2025.){kind=link}