LEGAZPI CITY- Nangapudan an sarong health expert na mapag-adalan an mga abilableng mga dengue vaccines ngani na makatabang sa mga kaso kan helang sa nacion.
Ini an kasunod kan pahayag ni Health Secretary Dr. Teodoro Herbosa na posibleng magkaigwa nin dengue outbreak ngunyan na taon.
Segun ki Octa Research Fellow Dr. Guido David sa intrevista kan Bombo Radyo Legazpi na kun mapapatunayan na epektibo man an nasabing mga bakuna na pigagamit sa ibang mga nacion, pwedesir ining maikonsiderar na aprubaran kan Food and Drug Administration.
Alagad segun sa opisyal na basado sa pag-aadal ninda, posibleng dae na man umabot sa punto na magkakaigwa nin outbreak kan helang huli ta nasa summer season na an nacion.
Huli digdi, magigin limitado na man an mga tag-uran sa nacion.
Marurumduman na nairehistro an peak kan dengue cases kan nakalihis na Agosto 2024.
Sa ibong kaini, sinabini David na mas marhay man liwat kun magkakaigwa nin dagos-dagos na preparasyon an mga lokal na gobierno ngani na mapreventaran an paglakop kan dengue virus.
