Padagos pang nagbubulos an mga donasyon para ki Kamala Harris kasunod kan Democratic National Convention kan nakalihis na semana.
Makalihis kaya an sarong bulan kan i-anunsyar ni Harris an saiyang kampanya para sa US presidential elections, nakatipon na ini nin nasa $540 million.
Marurumduman na naging kandidato sa November elections an bise presidente puon kan umatras an kapwa Democrat na si President Joe Biden kan Hulyo 21.
Nakuwa na ni Harris an momentum sa saiyang kandidatura asin naagaw an spotlight sa kalaban na si Republican Donald Trump.
Sa presente, padagos pa an pangangampanya kan bise presidente kaibanan an saiyang running mate na si Tim Walz.
