LEGAZPI CITY – Nagpaparahay na an sarong lola makalihis an suboot nangyaring pambabadil sa Barangay Homapon, syudad kan Legazpi kasubagong maagahon.
Nabisto an biktima na si Norma Millare, 73 anyos asin residente kan Sitio Crossing kan naunambitang barangay.
Sa inisyal na imbestigasyon kan Legazpi City Police Station, napag-araman na bandang alas 3 nin maagahon kasubago kan mangyari an insidente na nadiskubre ni Romeo Millare, 46 anyos.
Nagsapar an biktima nin tama nin badil sa tuong tabay asin insigida mang idinalagan sa Bicol Regional Training and Teaching Hospital (BRTTH).
Sa presente, pig-aaram pa kan mga otoridad an motibo sa nasabing insidente mantang nagpapadagos an imbestigasyon.
