LEGAZPI CITY-Nagkipagkoordinar an Guinobatan Local Government Unit sa Department of Public Works and Highways (DPWH), Philippine Institute of Volcanology and Seismology (DPWH), asin Office of Civil Defense (OCD) ngani na masolusyunan an pagbabaha na naeeksperyensayahan sa Barangay Masarawag.
Segun kay Guinobatan Mayor Ann Gemma Ongjoco, sa intrevista kan Bombo Radyo Legazpi, na katuwang an mga nasabing ahensya an makakatabang ngani mabawasana an namamatiang pagbaha sa Purok 4 asin Purok 5 sa Barangay Masarawag.
Pighahalat pa suboot ninda an resulta kan survey na ipigsagibo kan mga ahensya siring kan Phivolcs na ipig-request ninda ngani mahiling an sitwasyon kan Bulkang Mayon.
Katuwang man suboot an mga katakod na ahensiya an pig-identify ninda an mga pwedisir gibuhon ngani na ma-minimized an flow kan tubig asin an mga posibleng disposition kan mga debris hale sa bulkan.
Tinawan linaw man ni Mayor Ongjoco na warang quarry site sa nasabing lugar asin wara man nin nagbagsak na flood control sa kun sain nagaagi an pagbabaha.
Nagkaigwa man suboot nin localized na pag-ebakwar sa saindang lugar huli sa nakalihis na paguuran kan nakaaging semana.
Ipigbubusol man kan saindang lokal na gobierno na kun ano an suhestyon asin tamang lakdang an tulos nindang aaksiyonan para sa gabos na residentes sa lugar.
Sinabi man kan opisyal na dai nagpapabaya si Governor Noel Rosal ngani magtabang an iba pang katakod na ahensiya enkaso igwang mga pagebakwar o operasyon.
Pagirumdom man ni Mayor Onjoco, na dai magtubod sa mga nakapost sa social media orog na an iba digdi an fake news asin nakakapagdara nin hadit sa mga residente.
