LEGAZPI CITY- Puga-puga na an lokal na gobierno kan provincia kan Sorsogon para sa pinaka-aabangang Kasanggayahan Festival na pupunan na sa Oktubre 1 hasta 31.
Highlight kan month-long activity an target kan lokal na gobierno na makua an Guiness record sa larget Filipino folkdance sa sabay-sabay na pagbayle nin Pantomina sa tinampo.
Sa intrevista kan Bombo Radyo Legazpi ki Sorsogon Provincial Tourism head Bobby Gigantone, kumpiyansa an opisyal na makukua an record huli ta sa target na 5,000 na mga partisipantes nasa 7,000 na sa presente an nagpromesang masabay sa aktibidad.
Napag-araman na ini man an enot na bes na may mabalong makagibo nin record para sa largest folkdance.
Mientras tanto, inimbitaran ni Gigantone an publiko na makisumaro asin makiogma sa nasabing aktibidad kasabay an pagsierto sa seguridad kan mga mabisita sa lugar.
