LEGAZPI CITY—Ipigdoon kan grupo nin parasisira na dae man suboot natawan nin maray na atensyon an saindang mga agrangay sa nagin State of the Nation Address ni Presidente Ferdinand Marcos Jr.
Segun ki PAMALAKAYA Spokesperson Salvador France, sa intrevista kan Bombo Radyo Legazpi, na enot sana kaining nagibo an pagbabago sa ley na an dating municipal water an nai-turn over kaini sa commercial fishing asin bako an pagbabago sa magayon na kabuhayan sa mga saradit na parasisira na nagdugang nin kadifisilan sa saindang sektor.
Wara suboot na nakuang lakdang an saindang sektor kundi imbes an paglangkaw kan presyo kan gasolina, enerhiya asin iba pa.
Dugang kaini na warang nabanggit an Presidente mapadapit sa isyu kan mga parasisisra sa saiyang nagin SONA.
Punto ni France na haros dae man suboot naotob o nasunod an sinabi ni PBBM puon kan saiyang pinakaprimero hasta sa ikalimang SONA.
Mientrastanto, mensahe man kan opisyal na dae pagpabayaan an mga kapitalista na raoton an mga pangisdaan asin an kapalibutan huli sa madidifisilan iyo man mismo an namamanwaan.
