LEGAZPI CITY – Dae nauugma an grupo nin mga paraooma sa anunsyo kan Department of Agriculture (DA) na abilable na sa enterong nacion an P20 kada kilo nin bagas.
Paliwanag ni Bantay Bigas Spokesperson Cathy Estavillo sa intrevista kan Bombo Radyo Legazpi na dae mapapababa kan naunambitang anunsyo an presyo kan bagas hangga’t dae ini pigpapabakal sa mga pampublikong merkado.
Tinuyaw niya man an limitadong benipisyaryo huli ta pighahagadan pa nin ID an mga ma-aprobitsar kan naunambitang programa kan ahensya nganing makabakal sana kan saindang pangenot na pangangaipuhanan.
Dapat man suboot na ibasura na sana an Rice Tariffication Law na saro sa pigtutukdo nindang rason kun kaya dae nadadara sa mga palengke an P20 kada kilo nin bagas asin mabawasan an pasanon kan ordinaryong Pilipino.
Segun pa sa opisyal na napipiritan na magbalik an mga Pilipino sa pagbakal nin labing halangkaw na presyo kan bagas huli ta an pigpapabakal kan ahensya na 20 pesos na bagas an may maraot na parong.
Pangapodan ninda sa presenteng administrasyon na ipa-otob an saindang promesa sa mga paraooma arug kan pagpapapundo kan rice importation asin ibitaran an pagpapaluwas sana nin mga press-release na nambubudol sa publiko.
Kahagadan ni Estavillo sa mga Pilipino na makisumaro sa saindang pagkalampag sa gobierno nganing magin abot kaya an mga babarakalon asin mapakusog an lokal na produksyon.
 that P20 per kilo of rice is now available nationwide.){kind=link}