Inenganyar nin grupo kan mga negosyante an gobierno na pakusog an pag-export nin mga lokal na produkto sa Middle East.
Segun ki Federation of Filipino-Chinese Chambers of Commerce and Industry Inc. na importante na samantalahon kan gobierno an kakapirma pa sana na free trade agreement sa pagultangan kan Pilipinas asin United Arab Emirates.
Ikinaugma man kan grupo an pagpirma nin kasunduan kan duwang nacion na Comprehensive Economic Partnership Agreement.
Paliwanag kan grupo na dae sana dapat nakatuon sa pagpapadara nin mga Overseas Filipino Workers sa Middle East kundi magin sa mga produkto na sa Pilipinas sana mahihiling.
Marurumduman na kan nakalihis na semana, nagpasiring sa UAE si Presidente Ferdinand Marcos Jr. kun sain saro sa mga natukaw an pagpapakusog kan kooperasyon kan duwang nacion.
