LEGAZPI CITY—Nagkundusir nin greyhound operation an Bureau of Jail Management and Penology Masbate City sa pakikipagkoordinar sa Philippine Drug Enforcement Agency (PDEA) Bicol asin PDEA Masbate Provincial Office sa Masbate City Jail, Masbate City.
Segun ki PDEA Bicol PIO Carlo Fernandez, sa intrevista kan Bombo Radyo Legazpi, an nasambit na lakdang an sarong search and seizure operation kun saen nagsasagibo nin paghalughog sa mga pagsasadiri kan mga Persons Deprived of Liberty (PDLs) kun may mga ilegal na substances, droga o mga armas.
An naumbating operasyon an para na man sa seguridad asin maibitaran an ano man ilegal na mga aktibidad sa laog kan mga selda.
Sinabi kan opisyal na wara man sindang nahanap o nakumpiskar na ano man na ipigbabawal na mga kontrabando sa mga PDLs.
Tinawan-duon man ni Fernandez na posibleng madugangan an kaso kan sarong PDL kun siya makumpiskaran nin mga ilegal na mga kontrabando sa laog nin kulungan.
Dugang kaini na regular na ipigsasagibo an greyhound operation bako sana sa rehiyon kan Bicol kundi sa gabos na kulungan sa bilog na nacion.
 Bicol and PDEA Masbate Provincial Office at Masbate City Jail, Masbate City.){kind=link}