LEGAZPI CITY-Nalusutan kan Gilas Pilipinas Women U18 an New Zealand, sa score na 69-64, sa FIBA U18 Women’s Asia Cup 2026 na ginibo sa Karisma Arena, Malaysia.
Si Rhiane Perez nagkaigwa nin importanteng papel sa kapangganahan kan Gilas Women, makalihis na makakua nin foul hale sa saiyang layup na nagtao sa koponan nin 65-64 na bentahe sa natatadang 49.9 segundos kan kawat.
Ini an pinakaenot na kapangganahan kan Gilas Women sa Division A kan kompetisyon.
Si Zaydhen Rosano an nangengenot sa koponan na may 23 puntos asin pitong rebound, mantang si Perez nagkontribwir nin 13 puntos, anom na rebound, sarong assist, duwang steal, asin sarong block.
Sa Huwebes, an Gilas Women makikipagkumpetensya naman sa semi-final qualifiers, na may katuyuhan na makua an ikatulong puwesto sa Group A mantang sinda igwang rekord na sarong gana asin duwang daog.
