Binigla kan Gilas Pilipinas an New Zealand makalihis daugon sa 2nd window kan FIBA Asia Cup Qualifiers, sa score na 93-89.
Ini an enot na bes na dinaog kan Pilipinas an New Zealand.
Nag-agi pa sa 16-0 run an Gilas antes mabaliktad an apat na punto na kalamangan kan Tall Blacks asin makuwa an 72-60 sa third quarter.
Buminida sa pagkagana kan Gilas si Justin Brownlee na nakapagrehistro nin 26 points, 11 rebounds asin apat na assists mantang igwang 19 points, 10 rebounds asin pitong assists si Kai Sotto.
Huli sa pagkagana kapot na kan Pilipinas an 3-0 win-loss record sa Group B.
Enkasong manggana sinda sa Hongkong sa aldaw nin Domingo, sierto na an paglaog sa Asia Cup na gigibuhon sa Jeddah Saudi Arabia.
