Uminabot sa labi P760 bilyon an ganansya kan Pilipinas hale sa turismo kan 2024.
Segun sa Department of Tourism (DOT) ini an may 9% na paghalangkaw poon sa P697.46 bilyon na ganansya kan 2023.
Naitala man an 5.95 milyong dayuhang turista na bumisita sa nacion kun saen 9.15% na mas halangkaw kumpara kan 2023.
Kabale sa mga pangenot na turistang nagbibisita sa nacion an mga taga South Korea, Estados Unidos, asin Japan.
An pagtalubo kan sektor kan turismo an bunga kan pagpaparahay sa mga imprastruktura, pagsasanay sa mga obrero, asin iba pang inisyatiba kan DOT.
