LEGAZPI CITY – Kinumpirma kan Albay Power and Energy Corporation (APEC) na gabos na lokal na gobierno sa provincia an may darakulang pagkakautang sa kuryente na nag-aabot sa milyones.
Segun ki APEC spokesperson Pat Gutierrez, pinapaasikaso naman an mga atraso asin magayon man an resulta kan isinagibong meeting.
Natukar kaya na imbes na an bilog na provincia an magkaigwa nin power shutdown an Top 10 barangays na may pinakaharalangkaw na arrears an masapar kan konsekwensiya.
Kun kaya abiso ni Gutierrez na mag-settle na kan babayadan sa mga aldaw na itinao antes pa man na makaabot sa karasuhan sa korte an isyu.
Nagbabayad man o dai, mapuputulan nin suplay nin kuryente kun dai maresolbahan an problemang pampinansyal.
Dai naman sinambit ni Gutierrez an detalyadong kantidad kan babayadan kan mga LGU.
Enot kaini, ipigsairarom sa power shutdown an bilog na Rapu-Rapu huli sa labi P28 million pang natatadang babayadan asin tinawanan nin 48-oras sa pagtataong-solusyon sa problema.
