LEGAZPI CITY — Fully implemented puon kan pagbabalik eskwela kan Hunyo an ‘Universal Acces to Quality Tertiary Education Act of 2007’ sa mga State Universities and Colleges (SUCs) sa nacion.
Sa intrevista kan Bombo Radyo Legazpi ki Fauziah Gerine Rei, Regional Coordinator kan Unified Student Financial Assistant System for Tertiary Education, warang binayadan an mga estudyante na nagralaog ngunyan na school year.
Sa ibong kaini, bako pa kumpleto an datos kun pira an kabilugan na nagbenipisyo sa nasambitan na libreng edukasyon para sa mga jovenes huli ta bako pa kumpleto an enrollment data na ipigsumiter sainda.
Pagbuyagyag ni Rei, warang kinolekta sa mga estudyante durante kan enrollment alagad pighahalat pa ngunyan an guidelines ngani na maklaripikar kun igwa pang sisingilon sa mga ini na wara sa 13 fees na nakapalaog sa ley na kumpwesto kan library fee, computer fee, laboratory fee, school ID fee, athletic fee, admission fee, development fee, handbook fee, entrance fee, registration fee, medical and dental fee, cultural fee asin iba pang kaparehong pigbabayadan.
Dugang pa kaini na naghahalat pa nin dugang na direktiba an ahensya dapit sa iba pang mga concerns katakod kan nasambitan na ley.
