Nagbago nin posisyon an gobyerno kan France asin dagos nang ipapadara an saindang nuclear-powered aircraft carrier na Charles De Gaulle sa Eastern Mediterranean nganing depensaran an saindang mga pwersa asin mga kaalyadong nasyon laban sa serye nin mga pag-atake kan Iran.
Inihayag ni French President Emmanuel Macron an direktiba makalihis tamaan kan Iranian drone strikes an sarong hangar sa French naval base sa United Arab Emirates (UAE) asin sarong British airbase sa Cyprus.
Enot nang naglikay an France na direktang mangi-aram sa nagpapadagos na Operation Epic Fury kan Amerika asin Israel laban sa Iran.
Alagad, napiritan ining magpadara nin pwersa huli sa direktang huma sa saindang mga assets sa rehiyon.
