LEGAZPI CITY- Maogmang ipigheras sa Bombo Radyo Legazpi ni FCI Efren Realo kan BFP Tabaco an saindang akomplisyemiento sa pag-bilog nin mga fire brigade volunteers sa syudad.
Sa ngunyan kaya, sa 46 na barangay, 26 na digdi an igwa nin fire volunteers.
Matabang an mga ini sa operasyon kan mga bombero kun in kaso igwa nin kasulo sa saindang barangay.
Anom hasta sa walong miyembro kan barangay tanod an kabale digdi apwera pa sa mga hale sa barangay council.
Sigon kaya ki Realo, nagtutubod sinda na ini an madaling makakaresponde sa kasulo huli ta yaon pirmi an saindang presensya sa lugar.
Ikinahahandal man kan opisyal an pagigin fire-prone kan nagkapirang barangay sa Tabaco urog na an mga naiistaran kan mga informal settlers.
Tinawan duon kaini an “fire prevention” sabay sabing bako sana dapat sa bulan kan Marso magin marigmat asin malikay an mga tawo alagad sa bilog na taon huli ta pwedesir na magbungkaras an kasulo ano man na panahon.
