Kinumpirmar kan National Bureau of Investigation (NBI) na an mga fingerprints kan nagadan na si dating DPWH Undersecretary Maria Catalina Cabral magkapareho sa saindang record, siring man sa police documentation, segun ki NBI Director Angelito “Lito” Magno.
Sinabi ni Magno na nagpapadagos pa an imbestigasyon kan NBI sa kaso ni Cabral.
Presenteng pigrereview kan ahensya an mga detalye sa rehiyon asin sa homicide unit, asin pighahalat an dugang na resulta.
Plano man kan NBI na isairarom sa polygraph an driver ni Cabral na si Ricardo Hernandez, depende sa rekomendasyon kan assigned agent.
Dugang pa ni Magno, nakasentro ngonian an imbestigasyon sa mga flood control projects kun sain konektado si Cabral, asin bako sa eksaktong pangyayari kan saiyang pagkagadan.
Nadukayan si Cabral kan Disyembre 18 sa irarom kan 16.9 metros na hampas mantang pig-iimbestigaran an mga suboot anomalya sa mga proyekto kan DPWH.
