LEGAZPI CITY-Pigsierto kan Filipino community sa Thailand an saindang mga ticket ngani makahiling kan pagbukas kan 33rd SEA games bilang pagsuporta sa Philippine National Team.
Isasagibo ini sa hampang kan Grand Palace ngonian na pagkabanggi sa Bangkok Thailand, kun sain nagtetenir an Royal Family.
Segun kay Bombo International Correspondent in Thailand Toto Cadapan, sa intrevista kan Bombo Radyo Legazpi, excited na an mga Pilipino asin mga mahiling huli sa magayon an preparasyon kan mga organizers asin padagos an daloy kan trapiko sa lugar.
Ihihiwalay man suboot an mga sport event sa manlain-lain na provincia asin kadakol na sports.
May mga naimbitar man na mga darakulang personalidad kun sain pigsierto kan mga organizers kan event na magwawalat ini nin impresibong impresyon sa gabos na mahiling magin sa livestream kaini para sa bilog na kinaban.
Basado man sa sports commision nasa labi 1000 na mga delegates an kaintra hale sa Pilipinas.
An 33rd SEA games ngonian na taon, maghahaloy poon sa ika-10 hasta sa ika-12 kan Disyembre.
Mababanga man suboot an mga event sa tulong aktibidad sa lugar; sa Metropolitan Region, Chonburi province, asin sa Songkhla province.
