LEGAZPI CITY-Magpapadara an Filipino Community sa Thailand nin donasyon sa mga nasalanta kan bagyong Tino asin Uwan.
Segun kay Bombo International News Correspondent sa Thailand Toto Cadapan, sa intrevista kan Radyo Legazpi na nasa 8 hasta 10 mga boxes nin mga bado asin kagamitan an ipapadara sa mga nasalanta kan bagyo partikular na sa Talisay sa Cebu.
Laoman suboot na makapagpadara na sinda nin amay ngonian na semana bago magsapit an kapaskuhan.
Dagdag pa niya na dakulang tabang ini para sa mga kababayan sa Pilipinas sa sitwasyon ninda asin sa panahon kan saindang pangapangipohan.
Nakapag-solicit naman suboot sinda para sa mga relief goods hale sa manlain-lain na kompanya para sa saindang donasyon.
Obheto suboot kaini na makapag-abot nin tabang sa mga nangangaipohan huli sa sinapit kan mga kababayan sa Pilipinas huli sa mga nakalihis na pag-bagyo.
Nagpapasalamat man siya sa gabos na nagpaabot nin tabang asin sa mga sponsors bilang pagsimbag sa pagpapadara nin donasyon para sa mga nasalanta kan bagyo.
