Nagpahayag nin pagkahandal si Presidential Communications Office (PCO) Secretary Jay Ruiz sa naglalalang pagkakawatak-watak kan mga Pilipino huli sa pagkalat nin fake news, online disinformation asin misinformation.
Ini an sinabi ni Ruiz sa paghampang kaini sa ikatulong hearing kan House Tri-Committee katakod sa mga malisyoso asin fake online content.
Pigtawan doon ni Ruiz an pagkakawatak-watak na namamatean sa nacion an dae nararayo sa kariribukang nangyayari sa Estados Unidos.
Nagpapasalamat man an kalihim sa lakdang kan Tri-Comm sa pag-iimbestiga sa fake news asin pigsyerto an pakikipagtabangan kan PCO, Department of Justice (DoJ), asin Department of Information and Communications Technology (DICT) nganing labanan asin pugulan ini.
Segun sa Kalihim, an pagsugpo sa mapanlinlang na nakapalaog sa internet an sarong importanteng laban na dapat hampangon kan bilog na nacion.
Nagpatanid man si Ruiz sa peligro nin pagkakawatak-watak kan namamanwaan na kawsa kan online disinformation asin fake news.
Pinatanidan man niya an publiko mapadapit sa mga peligro nin deep fakes.
Pigtaram niya na nakataresibi an PCO nin mga reklamo hale sa pirang overseas Filipino workers na nabiktima kan mga scam gamit an deep fake technology asin pekeng video kan mga midbid na personalidad.
Pig-enganyar man ni Ruiz an pagpapa-otob kan regulasyon bako sana sa mga online media practitioners kundi magin sa mga social media platform arug kan TikTok, Facebook, asin YouTube.
Aminado si Secretary Ruiz na sarong dakulang angat na dae nakabase sa Pilipinas an mga tinaram na social media platforms.
 Secretary Jay Ruiz expressed concern over the increasing confusion among Filipinos due to the spread of fake news, online disinformation and misinformation.){kind=link}