Nagpalihis nin magdamlag sa opisina kan National Bureau of Investigation (NBI) sa ciudad kan Pasay si dating Negros Oriental Rep. Arnolfo “Arnie” Teves Jr.
Sinabi ni NBI Director Jaime Santiago, na saindang pinagbigyan an paki-olay kaini bilang konsiderasyon huli sa pagal sa biyahe hale sa Timor Leste.
Pasado-alas-12 nin maagahon kan Mayo 30 kan mag-abot an dating mambabatas sa NBI.
Nagsairarom ini sa pagsusuri kan doctor bago ini kinuwaan nin fingerprints asin pirang documentary procedure.
Nag-abot man sa NBI office an abogado ni Teves na si Atty. Ferdinand Topacio magin an ina kan dating mambabatas na si Zenaida Teves.
Segun kay Atty. Topacio, na labi an kasabikan kan ina kan dating mambabatas huli sa labi duwang taon sindang dae naghilingan.
Inomaw ni Topacio si NBI Director Jaime Santiago huli sa pagtugot kaini na paramientras na magtenir si Teves sa saindang opisina bago ilipat sa detention facility.
May lakdang man suboot sindang piggigibo nganing depensahan an mga kasong pigkakahampang kan dating mambabatas.
Magigirumdumang pigtuturong mastermind si Teves sa paggadan kay dating Negros Oriental Governor Roel Degamo.
 office in Pasay City. Arnolfo “Arnie” Teves Jr. NBI Director Jaime Santiago said they granted his request as a consideration due to the fatigue of the trip from Timor Leste.){kind=link}