Ipigdesignar kan Malacañang si dating Philippine National Police Chief Gen. Rodolfo Azurin Jr. bilang bagong Special Adviser asin Investigator kan Independent Commission for Infrastructure (ICI).
Si Azurin an suminalida sa pwesto ni Baguio City Mayor Benjamin Magalong.
Segun sa Office of the President, pupunan ni Azurin an saiyang mandato makalihis maipakarhay an personal asin administrative arrangement.
Nagpasalamat man an Palasyo kay Magalong sa nagin kontribusyon kaini sa pagmamantenir kan integridad asin kredibilidad kan ICI.
Kumpiyansa an administrasyon na magagamit ni Azurin an saiyang eksperyensya asin pangengenot nganing labi pang mapakusog an mandato kan komisyon sa pagbubusol nin transparency asin paninimbagan sa paggamit kan pondo kan Pilipinas.
Kinumpirma ni Palace Press Officer Claire Castro na inako na kan Presidente an resignation ni Magalong bilang ICI special adviser.
.){kind=link}