Hinatulang makulong nin sagkod 15 taon si dating Malaysian Prime Minister Najib Razak.
Ini makalihis na siya an napatunayang guilty sa money laundering asin abuse of power.
Sa iniluwas na desisyon kan Kuala Lumpur High Court, an napatunayan na an 72-anyos na si Razak an guilty sa gabos nin 21 counts nin money laundering asin apat na bilang na abuse of power.
May kinaaramaan an nasabing kaso sa paglipat kaini nin kantidad na $543 milyon hale sa 1MDB o One Malaysia Development Berhad pasiring sa saiyang sadiring bank accounts.
Inakusaran kan prosecutors si Najib nin pang-aabuso kan saiyang posisyon bilang prime minister, finance minister asin 1MDB advisory board chairman sa paagi kan paglipat nin kwarta sa saiyang sadiring account.
