Kinumpirmar ni Ombudsman Samuel Martires na ipigsunad na sa Sandiganbayan an criminal charges kontra kinda dating Health Secretary Francisco Duque III asin dating executive director kan Procurement Service kan Department of Budget and Management na si Lloyd Christopher Lao.
An kasong pagbayolar sa Republic Act 3019 o Anti-Graft and Corrupt Practices Act an katakod kan paglipat kan P41.464 billion na pondo kan DOH sa PS-DBM sa pagultangan kan bulan nin Marso asin Disyembre 2020.
Segun sa prosecutors na an paglilipat nin pondo an nagkawsa nin dantos sa gobierno huli sa 4% service fees na pigsisingil kan Procurement Service kan DBM.
Nagkakantidad ini nin P1.659 billion alagad dae nagkaigwa nin imbentaryo kan mga supplies and equipment na pangenot na requirement.
