Isinunad ni dating Negros Oriental Representative Jacinto Paras asin kan duwa pang abogado an ethics complaint laban ki Senadora Risa Hontiveros sa Senate Office of the Secretary General huli sa suboot witness tampering.
Sa 13 pahinang reklamo, hinagad ninda Paras asin abogadong sinda Manny Luna asin Ferdinand Topacio sa Senado na parusahan si Hontiveros nin disorderly behavior, kaiba na an suspensiyon o pagpapatalsik saiya sa Senado kun kinakaipuhan.
Sinabi sa reklamo an kaso ni Michael Maurillo o alyas Rene, an testigo na nagsabing naimpluwensiyahan siya nganing magtestigo ki dating Presidente Rodrigo Duterte asin iba pa.
Sa sarong video, inakusaran ni Maurillo si Hontiveros na nagpirit sa saiyang magtestigo laban sa dating Presidente, ki Vice President Sara Duterte asin Pastor Apollo Quiboloy.
Sa imbestigasyon kan Senado kan mga nakaagi, sinabi ni Maurillo na kinulog asin inabuso siya kan pirang miyembro an Kingdom of Jesus Christ.
Sinabi man niyang nagbitbit nin mga armas an mga Duterte kan nagbisita an mga ini ki Quiboloy.
