Suminadsad an sarong eroplano kan Jeju Air sa Muan International Airport sa South Korea, na nagresulta sa pagkagadan kan dae mababa sa 179 katawo.
An flight 7C2216, hale sa Bangkok, Thailand, an may sakay na 181 pasahero asin crew kan mangyari an insidente kasubagong aga.
Segun kay Lee Jung-hyun, an Fire Chief sa Muan, duwang crew members sana an nailigtas hale sa buntot kan nasusulong eroplano.
Padagos an imbestigasyon sa kawsa kan aksidente, partikular an posibilidad kan bird strike o maraot na kondisyon kan panahon.
Ini na an pinakamalalang aksidente sa aviation kan South Korea poon kan 1997.
Huli kaini, kinanselar na an gabos na flight sa Muan International Airport.
