LEGAZPI CITY- Magkokundusir nin awareness lecture ang sarong environmental group katakod kan nationwide Brigada Eskwela.
Segun ki BAN Toxics Campaigner Thony Dizon sa intrevista kan Bombo Radyo Legazpi na an mga eskwelahan an ika-duwang harong na kan mga kaakian kaya mawot na masierto na salbado ini sa anuman na klase nin nakakalason na kemikal.
Napag-araman kaya na igwang mga pintura an igwang mga nakakalason na kemikal na posibleng maka aapektar sa mga jovenes.
Mawot masierto kan grupo na salbado sa salud an mga pinturang gagamiton sa mga classrooms.
Magin an iba pang gamit sa paglilinig an pigpapatutukan man kan nasabing grupo.
Afuera digdi, pigpapasierto man kan opisyal na an mga basura na matitipon sa nasabing Brigada Eskwela an maitatapok nin tama ngani na dae magdara nin huma sa salud kan mga estudyante asin mga paratukdo.
