LEGAZPI CITY- Makikisumaro an sarong environmental group sa isasagibo na Earth Hour ngunyan na Marso 28, 2026.
Ini an sarong aktibidad kun sarong pigpapalsok sa laog nin sarong oras an mga non-essential electric lights sa laog nin sarong oras puon alas-8:30 hasta alas- 9:30 nin banggi, bilang simbolo kan commitment sa planeta.
Segun ki Ban Toxics Campaigner Thony Dizon sa intrevista kan Bombo Radyo Legazpi sa panahon ngunyan, matindi an problema sa climate change asin polusyon huli sa mga basura asin nakakalason na kemikal hali sa mga produkto.
Sinabi kan opisyal na sa paagi kan pakikisumaro sa Earth Hour, nababawasan an enerhiya na pigagamit na konektado sa climage change.
Alagad tinawan duon ni Dizon na bako sana dapat sa simpleng pagpapalsok nin ilaw an sentro kan aktibidad kundi an iba pang responsibilidad kan mga namamanwaan.
Kaibanan sa mga ini an pagtataong atensyon sa pagka kalbo kan mga kabubuludan na saro sa mga nagigin angat ngunyan kan kapalibutan.
