LEGAZPI CITY—Mawot kan enot na gold medalist kan Catanduanes sa nagpapadagos na Palarong Bicol 2026 na si Jhon Michael Nazareno na gamiton an saiyang mareresibeng insentibo para sa pagsaayos kan saindang nadanyaran na harong kan nakalihis na bagyong Uwan.
Segun ki Schools Division Office Division Catanduanes Sports Coordinator Fidel Vegim, sa intrevista kan Bombo Radyo Legazpi, an lugar ni Jhon Michael sa Tubli, Caramoran an labing tinamaan nin bagyo asin hasta sa ngunyan kadaklan sa mga kaharongan digdi an dae pa nababalik totally sa dati.
Segun suboot sa atleta na saiyang itatabang sa mga magurang asin sa pagpapagibo kan saindang harong an kantidad kan saiyang mareresibeng kwarta.
Sa presente may itinagama na man an saindang ofisina nin P300,000 para sa mga medalist kan saindang provincia sa Palarong Bicol 2026.
Naghihingoa man si Vegim na ipadagos an pagsuporta sa saindang 469 na atleta na nagpapartisipar sa naunambitang aktibidad.
