Napili an beteranong singer na si Elton John bilang Icon of the Year kan TIME Magazine ngunyan na taon.
Inanunsiyar ini kan American magazine kasabay kan posting sa saindang social media account kan ladawan kan singer.
Segun sa TIME na sa labi 60 taon kan singer asin actor an dae matatawaran an nagin ambag kaini sa mga pelikula asin awitin.
Uminabot na sa 57 an kanta kaini na nakalaog sa US Top 40 hits poon kan nagsisikat pa sana siya sa pagkanta.
Afuera pa kaini an pagkagana niya nin duwang Oscars asin an paggibo nin mga kanta sa mga Disney Movies.
Nagpoon magsikat an singer kan 1970 kun saen nagsagibo ini nin farewell tour poon 2018 hasta 2023.
Magigirumdumang ibinulgar kan singer na dae na ini nakakahiling nin huli sa pagkakaigwa niya nin impeksyon sa mata.
Pira sa mga kantang pinasikat niya iyo an “Your Song” , “Goodbye Yellow Brick Road”, “Rocket Man”, asin kadakol pang iba.
