LEGAZPI CITY- Pangapudan kan sarong election watchdog na magsagibo nin fact checking an Commission on Election sa paggamit nin mga social media platforms para sa pangangampanya para sa papaabot na Local asin National Election sa masunod na taon.
Segun kay Kontra Daya Convenor Prof. Danilo Arao sa intrevista kan Bombo Radyo Legazpi na dapat gibuhon ini nganing madakop an mga nagpapalakop nin salang impormasyon.
Aminado kaya an opisyal na difisil kotrolon an teknolohiya siring man an mga salang impormasyon na naglalako sa social media kaya importante an fact checking.
Pigsabi man kaini na dae man kaipuhan na magin pamilyar sa mga election rules an mga social media platforms nin huli ta mas dapat kaini suboot pagtuonan nin pansin kun arin an totoo asin an bako.
Suhestyon pa kan grupo na dapat na magkaigwa nin close coordination an Comelec sa mga social media platforms nganing ma-take down an mga page asin account sa social media na nagpapalakop nin salang impormasyon.
Pigdugang man ni Arao na dapat pigpapalaganap sa publiko an importansya kan fact checking nganing maaraman ninda kun ano an sala asin tama sa mga nahihiling kaini online.
