LEGAZPI CITY- Aminado an sarong election watchdog na dakol na sindang namo-monitor na mga kandidato na nagpaparamdam na kan saindang presensya.
Segun ki Kontra Daya Convenor Danilo Arao sa intrevista kan Bombo Radyo Legazpi na dakol na an manifestation kan early campaigning kan nagkapirang mga indibidwal.
Aminado man an opisyal na bako pa liable an mga aspirants hasta sa mismong aldaw kan campaign period alagad dapat na magin mapagbantay suboot an mga namamanwaan sa mga personalidad na mawot na mamlamag sa saindang mga kalaban.
Paliwanag kaini na dakol an nagagamit kan saindang poder asin kwarta ngani na amay na makapagpabisto sa publiko antes pa man an opisyal na pagpupuon kan campaign period.
Nagkapira sa mga tinukoy kan nasabing election watchdog an mga local government officials an mga senior citizen cards asin persons with disability cards na piglalaagan kan saindang mga pandok.
Segun ki Arao na iba man liwat kun mismong an Commission on Elections na an matuyaw sa nasabing mga personalidad.
Nagtutubod an opisyal na kun dae man nagbabayolar sa diretsos kan mga aspirants, warang problema na i-call out an mga ini.
