LEGAZPI CITY- Target ngunyan na maabot an 100% na populasyon kan mga estudyante na mabakunahan kontra sa nagkapirang mga kamatean.
Ini an sa irarom kan programang school based immunization sa pagtatabangan kan Department of Health asin Department of Education.
Segun ki Legazpi City Health Office head Dr. Francis Gomez sa intrevista kan Bombo Radyo Legazpi na kaibanan sa mga bakuna an booster dose para sa measles, rubella, tetanus, asin HPV.
Paliwanag kan opisyal na mawot sana kan ahensya na matawan nin proteksyon an mga kaakian kontra sa mga helang na pwedesir man sanang maibitaran.
Sa presente igwa ng mga eskwelahan sa ciudad an nakaabot na kan target na 100% alagad aminado an opisyal na igwa man na hibaba an turnout.
Segun ki Gomez na kaibanan sa mga difisil na maenganyar an mga nasa Grade 1 asin mga Grade 7.
