Saro sa pinakamarikas na magtalubo sa bilog na Asya ngunyan na taon an ekonomiya kan Pilipinas sa ibong kan pandaigdigang angat siring kan geopolitical tensions.
Ini makalihis na mairehistro sa 5.2% an economic growth kan Pilipinas sa ikatulong kwarter dahilan para puminakol sa 5.8% an average economic growth sa enot na 3 quarters.
Naungusan kan ekonomiya kan Pilipinas an ibang mga nasyon siring kan Malaysia na igwang 5.2% economic growth sa nasambitang panahon, an Indonesia nasa 5%, magin an China na may 4.8% asin Singapore na may 3.8%.
An pangenot na nagkontribuir sa marikas na pagtalubo kan ekonomiya kan nasyon iyo an makusog na capital formation asin marikas na government spending.
Segun ki National Economic and Development Authority (NEDA) Secretary Arsenio Balisaca, nagpahiling nin pambihirang katatagan an ekonomiya kan nasyon ngunyan na taon kun saen an gross domestic product (GDP) growth nagtalubo sa average na 5.8% para sa enot na 3 quarters kan 2024. Ini sa ibong kan naeeksperyensyahang mga weather-related disturbances sa bilog na taon siring man an haloy na dry season huli kan El Niño phenomenon asin magkakasunod na mga makukusog na bagyo sa tahaw kan La Niña.
Sa ibong kaini, namantenir liwat kan growth rate kan nasyon an posisyon bilang saro sa fastest-growing economies sa Asya.
Patunay ini suboot kan pagsusumikap asin dedikasyon kan mga mamamayan kan nasyon asin mga polisiyang ipinaotob kan gobyero sa ibong kan mga kadificilan.
