Naabisuhan na si Senate Committee on Ethics Chairman Senador JV Ejercito, mapadapit sa isinunad na ethics complaint kan sarong private lawyer na si Atty. Eldrige Marvin Aceron laban kay Senador Francis “Chiz” Escudero.
Nag-ugat an reklamo sa suboot pagtanggap ni Escudero nin campaign donation hale sa sarong kontratista kan Department of Public Works and Highways (DPWH).
Batay sa isinunad na reklamo, ipigdoon ni Aceron na pigbayolar suboot ni Escudero an basehan kan integridad bilang sarong mambabatas makalihis magresibi nin dakulang donasyon hale sa kagsadiri kan kontratistang nakakuwa nin bilyon-bilyong pisong proyekto hale sa gobyerno.
Segun kay Ejercito, tutukaron kan komite kun ano an magkakanigong aksyon an saindang gigibuhon katakod kan reklamo.
Alagad, idinagdag kaini na pigtitimbang pa niya an masunod na lakdang huli ta padagos man an piggigibong imbestigasyon kan Independent Commission for Infrastructure (ICI).
Mientrastanto, nagbwelta si Senador Escudero asin nanindugan na pulitika an motibo kan reklamo kontra saiya asin bako man sa ethics.
Dagdag pa niya, dae na siya nakigkig huli ta kabayadan sana ini sa pagsambit niya sa pangaran ni Cong. Martin Romualdez asin sa pagbubunyag nin katotohanan.
Nanindugan si Escudero na an isinunad na reklamo laban saiya an parte sana kan sarong “script” na sarong desperadong panlilinlang.
