LEGAZPI CITY-Inurong na sa taong 2026 an EDSA rehabilitation asin an implementasyon kan odd-even scheme.
Segun kay Department of Public Works and Highways (DPWH) Secretary Manuel Bonoan, na magigin ulang an pagaayos kan EDSA sa mga pag-uran na susundan pa kan Christmas rush ngonian na maabot na “Ber” months.
Target nindang enoton na ayuson an parte na dai masyadong pigaagihan kan mga behikulo.
Pigkokonsiderar man ninda an paggamit kan makabagong teknolohiya ngani mapakaskas an pagaayos kan 23.8 kilometro na makasaysayang highway sa Metro Manila.
An nasabing proyekto, igwang kantidad na poon P8 hasta P17 bilyon.
Isusumiter ninda an rekomendasyon kay President Ferdinand Marcos Jr kung nasa pinal na ninda an teknolohiya na gagamiton sa EDSA rehabilitation.
