Pig-imbestigaran kan embahada kan Pilipinas sa United Arab Emirates an report na suboot duwang Pilipino ang naarestar sa Dubai huli sa suboot pagrecord asin pagheras nin mga video katakod kan mga kamakailang pag-atake sa nacion.
Sinabi kan Philippine Embassy sa Abu Dhabi asin Consulate General sa Dubai na naghagad sinda nin opsiyal na kumpirmasyon asin impormasyon hale sa awtoridad sa UAE mapadapit sa pagkakakilanlan, presenteng kamugtakan asin legal na sitwasyon kan duwang Pilipinong imbuelto.
Segun sa mga opisyal ipigrespeto kan Pilipinas ang soberanya kan UAE asin pagpapaotob kaini nin ley katakod an national security, cyberycrime, asin public order kasunod kan pagpagiromdom kan awtoridad kan UAE na an pagheras nin sala o bako beripikadong impormasyon siring sa seguridad kabale an mga video an air defense interceptions, pag-atake sa mga landmark, maging AI-generated na video asin pwedesir ikonsiderar na krimen na may katumpad na pagkakakulong asin multa.
Huli digdi, nangapudan an mga dimplomatikong opisyal sa mga Pilipino sa UAE na maging maingat sa saindang akibidad sa internet asin inabisuhan an komunidad na maglikay sa pagkua nin mga video, pag post sa internet o pagkomento sa mga bako kumpirmadong orolay sa seguridad, asin imbes an maglaom sana sa mga opisyal na pahayag kan gobierno kan UAE.
Mientrastanto, basado sa mga report kabale an duwang Pilipino sa 25 katawo na suboot naarestar huli sa pagheras nin mga video sa internet katakod kan mga pag-atake, kabale man sa mga naarestar an pirang dayuhan hale sa India, Pakistan, asin Bangladesh.
