LEGAZPI CITY—Arestado an duwang indibidwal sa kasong Qualified Theft sa Purok 4, Barangay Buyuan, Legazpi City.
Segun ki Legazpi CPS PIO Police Executive Master Sergeant Carlos Paña, sa intrevista kan Bombo Radyo Legazpi, binisto an mga suspetsado na si alyas “Bong,” 55-anyos, asin may agom; asin alyas “Alan,” 48-anyos, may agom asin pararehong residente kan nasambitang barangay.
Naarestar an mga ini susog sa ipinaluwas na mandamiento de aresto ni Hon. Avelino Rodenas, an presiding judge kan Regional Trial Court Branch 2, sa kasong qualified theft.
Pwedesir na makapagpiyansa an mga suspetsado sa kantidad na P30,000 an kada saro.
Sa presente, nasa kustodiya na ini kan Legazpi City Police Station para sa magkakanigong disposisyon.
