LEGAZPI CITY- Kinumpirmar kan Masbate Police Provincial Office an impormasyon dapit sa duwang parasisira na pinagbabadil-gadan sa Sitio Colorado, Brgy. Tigbaw, banwaan kan Aroroy sa Masbate.
Sa ekslusibong intrevista kan Bombo Radyo ki PS/Supt. Froilan Elopre, Provincial Director kan Masbate Police Provincial Office, nagpapadagos pa sa ngonian an imbestigasyon sa pagkagadan kan mga dae pa pigpapangaranang parasisira alagad nagluluwas sa inisyal na bareta na apat na armadong kalalakihan an suminakyada sa mga biktima.
Dugang pa ni Elopre na pigtutubudan na miembro kan rebeldeng grupong New People’s Army o NPA an nasa likod kan insidente.
Mientras tanto, aga pa suboot kan maipaabot an nasambit na impormasyon alagad nagduwa-duwa an mga ini sa pagresponde urog na sa posibilidad kan huma sa buhay kan mga maduman sa lugar.
Mientras tanto, inasegurar man ni Elopre an pagbabantay sa mga residente sa pakikipagkoordinar naman sa lado kan mga militar.
