LEGAZPI CITY—Arestado an duwang lalaki makalihis an pagpapabakal nin ilegal na badil sa kinundusir na gun-bust operation kan Legazpi City Police Station sa Imperial Court Subdivision, Legazpi City, Albay.
Segun ki Legazpi CPS PIO PEMS Carlos Paña, sa intrevista kan Bombo Radyo Legazpi, an mga suspetsado binisto na 43-anyos, residente kan Imperial Court Subdivision kan nasambit na ciudad, asin sarong 32-anyos na residente man kan Victory Village North sa kaparehong ciudad.
Nakumpiskar sa mga suspetsado an ilegal na badil siring kan pistol, sarong magazine asin wara man na bala.
Afuera digdi nakumpiskar man sa mga suspetsado an pinagtutubudang shabu.
Mientrastanto, an mga suspetsado mahampang sa kasong pagbalgar sa COMELEC gun ban asin Republic Act 9165 o an Comprehensive Dangerous Drugs Act of 2002.
