LEGAZPI CITY- Nagpuon na ngunyan na aldaw an two-day tourism summit sa Bicol kun sain host an provincia kan Sorsogon, katabang an Department of Tourism Bicol.
Napag-araman na ini an pinaka enot na regional tourism summit para sa mga tourism officers.
Segun ki Sorsogon Provincial Tourism Officer Bobby Gigantone sa intrevista kan Bombo Radyo Legazpi na inatendiran an aktibidad kan mga tourism officers hali sa anom na provincia sa bilog na rehiyong Bicol.
Inihanda suboot kan provincia an gabos na mga kinakaipuhan para sa nasabing aktibidad ngani na ma-welcome nin matanos an mga partisipantes.
Tampok sa aktibidad an lectures asin pagtukar kan mga functions kan mga tourism officers asin iba pang mga orolay na dapit sa mga tourist spots sa rehiyon.
Ipapahiling man suboot sa aktibidad an mga best practices kan provincia pag-abot sa turismo asin nagkakaigwa nin pagheheras nin mga ideya.
Sinabi pa kan opisyal na bukas an saindang lado sa gabos na mga feedbacks mapadapit sa orolay sa turismo, mapa-marhay o bako na feedback ngani na mas magkaigwa pa nin improvement.
