LEGAZPI CITY- Gadan an duwang lalaki sa magkasuway na insidente nin pambabadil kan armadong suspek sa provincia Masbate.
Enot na pinagbabadil an karpenterong si Jesus Mitra sa Barangay Aurora sa banwaan kan Uson.
Susog sa impormasyon na naguno kan Bombo Radyo Legazpi, nagtatrabaho sana an biktima sa pigpapagibong harong ni Walterio Lacson kan ranihan kan duwang dae pa man nabibistong suspek.
Bigla na sana suboot na pinaputokan kan mga suspek an nakatalikod kaitong biktima rason nganing tulos ining magadan.
Sa suway insidente, gadan man kan pagbabadilon kan duwang armadong lalaki si Giovanni Olimba sa Barangay Madbad, Cawayan.
Susog sa imbestigasyon kan mga otoridad, nakatambay sana sa lugar an biktima kan ranihan kan mga suspek asin pauranan man nin bala.
Sa ngunyan, padagos pang pinaghahanap kan mga otoridad an mga suspek na responsable sa krimen.
