LEGAZPI CITY — Dae pighahale kan nagkapirang miembro kan Consultative Committee (ConCom) an posibilidad sa liwat na pagkapot nin posisyon o pagdalagan ni Presidente Rodrigo Duterte sa irarom kan proposed charter para sa federal government.
Pag-eksplikar ni ConCom Commissioner Susan Ubalde-Ordinario sa ekslusibong intrevista kan Bombo Radyo Legazpi na nakakaag sa transitory provisions na magtatapos na an termino kan presidente sa Hunyo 30, 2022 makalihis na maelihir sa 1987 Constitution.
Mientras tanto, sa irarom kan bagong Konstitusyon nagtutubod si Ordinario na pwede pang liwat na magkapot nin iba pang public office an presidente siring kan liwat na pagsisirbe bilang alkalde kan Davao City.
Dugang pa ni Ordinario na pwedeng rason kun nata warang nakakaag na interpretasyon sa draft charter sa pagbabawal sa liwat na pagdalagan kan incumbent president huli sa posibleng reflection kaini sa vice-president, mga senador asin iba pang “sitting officials”.
Mientras tanto, ipinagpapasakamot na sana kan commissioner an magigin interpretasyon kaini sa inapod na “wiser minds”.
Enot na kayang ipighayag ni Conrado Generoso, tagapagtaram kan 22-member consultative body na magigin garing “reboot” an sistema alagad nakabase man giraray sa approval kan Kongreso asin presidente sa draft charter.
