Pinirmahan na ni Budget Secretary Amenah Pangandaman an National Budget Circular No. 597 para sa rules and regulations kan implementasyon kan ika-duwang tranche kan dugang na sweldo para sa mga empleyado kan gobierno.
Katakod kaini, ipapaotob na ngunyan na Enero 2025 an nasabing dagdag sahod.
Segun ki Pangandaman na pinaglalaoman na magtatao ini in kagaanan sa mga empleyado kan gobierno ngani na magkaigwa nin mas marhay na kalidad nin buhay.
Marurumduman na basado sa pinirmahan ni Presidente Ferdinand Marcos Jr. na Executive Order 64, an Salary Schedule an iimplementar sa National Government Agencies sa apat na tranhes kun sain an enot kan Enero 1, 2024 mantang an ika-duwa an kan Enero 1, 2025; an ika-tulo an ipapaotob man sa Enero 1, 2026 asin an ika-apat an pupuunan sa Enero 1, 2027.
Segun sa Department of Budget and Management na an kantidad na kinakaipuhan para sa salary adjustment kan civilian government personnel sa Fiscal Year 2025 an maghahali sa Miscellaneous Personnel Benefits Fund asin iba pang appropriations sa irarom kan Fiscal Year 2025 General Appropriations Act.
